İstifadə şərtləri

Sənə rəqəmsal hədiyyə səhifələri hazırlamağa imkan verən onlayn xidmətdir. Hazır bir səhnə seçirsən, alıcının adını və öz mesajını yazırsan — nəticədə unikal bir link yaranır. Alıcı həmin linki açanda səhnə onun üçün oynayır.

Xidmət yalnız rəqəmsal məzmun təqdim edir. Fiziki hədiyyə, çatdırılma və ya hər hansı maddi əşya göndərilməsi xidmətin bir hissəsi deyil.

Hədiyyə yaradaraq və ya mövcud hədiyyə linkini açaraq bu şərtləri qəbul edirsən. Razı deyilsənsə, xidmətdən istifadə etmə.

18 yaşdan kiçik istifadəçilər xidmətdən yalnız valideyn və ya qanuni nümayəndənin nəzarəti altında istifadə edə bilər.

Hədiyyəyə əlavə etdiyin hər şeyə — mətn, ad, şəkil — görə məsuliyyət sənin üzərindədir. Biz məzmunu əvvəlcədən yoxlamırıq.

• Yüklədiyin şəkillərin sənə aid olduğuna və ya paylaşmaq hüququna sahib olduğuna əmin ol.
• Başqasının şəxsi məlumatını — telefon nömrəsi, ünvan, sənəd, xüsusi həyatına aid şəkil — onun razılığı olmadan hədiyyəyə əlavə etmə.
• Hədiyyə linki paylaşıla bilən bir ünvandır. Kimə göndərdiyini və linkin sonradan harada yayıla biləcəyini nəzərə al.
• Hesabına və hədiyyə linklərinə giriş məlumatlarını başqası ilə bölüşmə.

Aşağıdakılar xidmətdə qadağandır:

• Təhqir, hədə-qorxu, təhdid, nifrət nitqi və ya zorakılığa çağırış.
• Spam, kütləvi reklam, saxta kampaniya və ya aldadıcı yönləndirmə.
• Müəllif hüququ, əmtəə nişanı və ya digər əqli mülkiyyət hüquqlarının pozulması — sənə aid olmayan şəkil, mahnı və mətnlərin icazəsiz istifadəsi.
• Başqa şəxsin və ya təşkilatın adından çıxmaq.
• Erotik, açıq-saçıq və ya yaş həddi tələb edən material.
• Qanunvericiliyə zidd olan hər hansı digər məzmun.

Hər hədiyyə səhifəsində “Şikayət et” düyməsi var. Qayda pozuntusu gördükdə oradan bildir — şikayət birbaşa həmin hədiyyəyə bağlanır və biz baxırıq.

Səhnələrin bir hissəsi pulsuzdur, bir hissəsi ödənişlidir. Qiymət seçim anında və ödənişə keçməzdən əvvəl açıq göstərilir; hər hədiyyə üçün bir dəfəlik ödəniş alınır, abunə yoxdur.

Ödənişlər Payriff ödəniş sistemi vasitəsilə həyata keçirilir. Kart məlumatların Payriff-in öz səhifəsində daxil edilir; həmin məlumatlar bizə ötürülmür və bizdə saxlanmır.

Təqdim edilən məhsul rəqəmsaldır və ödəniş tamamlandığı anda dərhal əlçatan olur. Buna görə hədiyyə yayımlandıqdan sonra ödəniş geri qaytarılmır.

Texniki problem halında qaytarma mümkündür:

• Ödəniş alınıb, lakin hədiyyə yayımlanmayıb və ya səhifə açılmır.
• Eyni hədiyyə üçün ikiqat ödəniş baş verib.

Belə hallarda ödəniş tarixindən 14 gün ərzində bizimlə əlaqə saxla. Müraciəti yoxlayırıq və əsaslıdırsa məbləği ödənişin edildiyi karta qaytarırıq.

Bu qaydaları pozan hədiyyə səhifəsini xəbərdarlıq etmədən deaktiv edə bilərik. Ciddi və ya təkrarlanan pozuntularda hesab bağlanır.

Qayda pozuntusuna görə silinən ödənişli hədiyyələr üçün ödəniş qaytarılmır. Öz hədiyyəni istədiyin vaxt özün silə bilərsən — silindikdən sonra link işləmir.

Xidmət “olduğu kimi” təqdim olunur. Fasiləsiz və səhvsiz işləyəcəyinə zəmanət vermirik; texniki xidmət, nasazlıq və ya kənar səbəblərdən müvəqqəti kəsilmələr ola bilər.

Hədiyyə linkinin sən və ya alıcı tərəfindən üçüncü şəxslərlə paylaşılmasından yaranan nəticələrə görə məsuliyyət daşımırıq.

Bu şərtlər vaxtaşırı yenilənə bilər. Əhəmiyyətli dəyişiklik olduqda səhifənin sonundakı tarix yenilənir. Dəyişiklikdən sonra xidmətdən istifadəyə davam etmək yeni şərtlərin qəbulu deməkdir.

Sualın varsa: salam@gito.az və ya əlaqə səhifəsi. Məlumatların necə saxlanması barədə məxfilik siyasətinə bax.